[wanabidii] Wanajeshi JWTZ wanaendelea kuwapa mashaka wananchi wa Kimbiji, Dar-es-salaam

Wanajeshi JWTZ kuwanyang'anya Ardhi wananchi Kimbiji ! 

Wananchi wanaishi kwa mashaka kwa mda wa wiki mbili sasa!

Hali ya wasi wasi na maisha ya mashaka yanayosababishwa na 

uvunjwaji wa haki za binadamu unaofanywa na kikosi kimoja cha

jeshi la wananchi JWTZ unazidi kuwapa kero wananchi wa maeneo

ya Kimbiji,wilayani Temeke,Dar-es-salaam.

Kutokana na kuvamiwa na wanajeshi katika makazi na maeneo yao

ya ardhi,ambapo wanajeshi wanawalazimisha wananchi waondoke

bila ya ridhaa yao, wala kufuata misingi na taratibu za sheria za

ardhi.

Baadhi ya wanajeshi wamekuwa wakiweka mahema nje ya makazi 

ya raia hao na kuwapa usumbufu familia za raia hao wakiwemo

akina mama na watoto.

Pamoja na wananchi wa Kimbiji kulalamika mara nyingi katika

vyombo vya habari ,pia katika vyombo serikali kuhusu majanga

haya, cha kusikitisha hakuna jibu lolote walilo pewa !

Wananchi wa Kimbiji wanasikitishwa sana na usumbufu wanao upata

kutoka kwa wanajeshi JWTZ ambao wanadhamana ya kulinda nchi

sio kuwanyanyasa wananchi bila ya kufuata misingi ya sheria za miliki

ardhi,wakati serekali nayo haijatoa tamko lolote kuhusu unyanyaswaji huo.

Wananchi wa Kimbiji wanamiliki maeneo yao ya asili na hawajawai 

kushiriki katika kikako chochote kile kinachohusu kugawa maeneo

au kupisha mradi wowote ule wa maendeleo na Jeshi JWTZ.

Wananchi wa Kimbiji wamedai kuwa wanajeshi wana lengo la kuwapora

Ardhi kwa kutumia vitisho vya kofia na nembo ya JWTZ.

wananchi wanaiomba serikali pamoja tahasisi za mbali mbali 

kuingilia kati na kulitafutia ufumbuzi tatizo hili linalo wanyima usingizi 

wananchi wa Kimbiji.

kwa maelezo zaidi wasiliana na uongozi wa kimbiji 

Simu: 0713768082 Diwani au 0713846688 Mwenyekiti