[wanabidii] Neno Fupi La Usiku: Mche Unapoacha Kumea...

Ndugu zangu,

Ni usiku wa kwanza katika siku ya kwanza ya mwaka mpya. Duniani hapa, kama kiumbe hakikui, basi huanza kudumaa. Na mimea vivyo hivyo.

Lakini, mara nyingi wanadamu huwa hatujiangaishi kujiuliza swali muhimu; kwanini mwanadamu anaacha kukua, au kwanini mmea unaacha kumea?

Mwanadamu unaweza kumaliza ndoo za maji kuumwagilia mmea na wala usimee. Kumbe, mche uliopanda una gugu kando yake. Gugu ndio lenye kunyonya vyote, maji na rutuba.

Na maisha yetu haya tunayoishi, yumkini tunaishi na magugu kando yetu. Ni wanadamu wenzetu wenye kutufanya tusimee, tusichanue. Ni kwa hila, wivu na choyo zao. Ni hao wenye kuhangaika na kutia fitina kwa kila unachofanya. Kimsingi, hawapendi uchanue. Yawezekana akawa ni rafiki yako, au anayejifanya kuwa rafiki yako. Yawezekana akawa ni mwenza wako anayejifanya anakupenda, kumbe hapendi hata kumwona anayempenda akimea na kuchanua!

Na katika maisha, mwanadamu huna namna yoyote isipokuwa kujenga ujasiri wa kuondoana na magugu yanayokuzunguka. Vinginevyo, utabaki kudumaa. Hutamea wala kuchanua.
Ni Neno Fupi La Usiku.
Maggid,
Iringa.

--
Send Emails to wanabidii@googlegroups.com
 
Kujiondoa Tuma Email kwenda
wanabidii+unsubscribe@googlegroups.com Utapata Email ya kudhibitisha ukishatuma
 
Disclaimer:
Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.
---
You received this message because you are subscribed to the Google Groups "Wanabidii" group.
To unsubscribe from this group and stop receiving emails from it, send an email to wanabidii+unsubscribe@googlegroups.com.
For more options, visit https://groups.google.com/d/optout.