Sunday 23 September 2012

Re: [wanabidii] Re: [Mabadiliko] Neno La Leo: Mfalme Mgonjwa...

Asante,

Hadithi haijatamka ni nani alitumwa kupeleka ujumbe kwa kobe kuwa mfalme simba analalamika kwa nini haendi kumwona. Pia hakuna msisitizo kwamba simba nao walienda kumjulia hali mfalme simba! Mmoja wa simba miongoni mwa wengi? Je, aliwezaje kula wanyama wote peke yake? Inaonekana nyayo zote zikienda ndani tu hakuna zitokazo!

Maggid, ujumbe umefika na ni mzuri tu.

Asante.
Sent from my BlackBerry® smartphone from Vodacom

From: abduldello@gmail.com
Sender: wanabidii@googlegroups.com
Date: Sun, 23 Sep 2012 10:38:47 +0000
To: <mabadilikotanzania@googlegroups.com>; wanabidii<wanabidii@googlegroups.com>
ReplyTo: wanabidii@googlegroups.com
Subject: [wanabidii] Re: [Mabadiliko] Neno La Leo: Mfalme Mgonjwa...

Wanahabari, kama ilivyo kwa walimu na uniformed forces staff ni kada zilizodharauliwa kiasi hata upatikanaji wa watu wanaofanya kazi humo imekuwa ni kwa walioshindwa na wasio na option baada ya kumaliza ngazi fulani kwenye elimu. Mwanafunzi wa darasa la saba, au kidato cha nne, au hata cha sita aliyeshindwa mtihani na akapata nafasi ama kwenye chuo cha ualimu, au katika majeshi, na tena akawa na uhakika wa ajira baada ya hapo, hawezi kamwe kuwa na kiwango kinachotarajiwa cha utaalamu na weledi. Vivyo hivyo kwa waandishi wa habari. Wengi wa waandishi wa habari Tanzania ni failures katika elimu zao za awali, na hata wale waliobahatika kupata elimu kwa uwezo wao wamekuwa wachache sana na imekuwa rahisi kununuliwa, na wengine wameangukia kwenye vyombo vya habari visivyotoa nafasi kwa proffesionalism. Kada ya uandishi wa habari kwa miaka mingi imekuwa ni sawa polisi, unskilled and corrupted.
Sent from my BlackBerry® smartphone on the Tigo Tanzania Network

From: maggid mjengwa <mjengwamaggid@gmail.com>
Sender: mabadilikotanzania@googlegroups.com
Date: Sun, 23 Sep 2012 09:23:47 +0100
To: wanabidii<wanabidii@googlegroups.com>; mabadilikotanzania<mabadilikotanzania@googlegroups.com>
ReplyTo: mabadilikotanzania@googlegroups.com
Subject: [Mabadiliko] Neno La Leo: Mfalme Mgonjwa...


 
Ndugu zangu,
 
KUNA tunaokumbuka kisa cha mfalme simba na wanyama wenzake. Mfalme simba alipatwa na ugonjwa. Akabaki kibandani asiweze kutembea. Na njaa nayo ikamshika. Wanyama wengi walimtembelea mfalme kumjulia hali. Walikwenda akina pundamilia, twiga, swala na wengineo. Kila aliyeingia kibandani kwa mfalme hakutoka nje.

Mfalme simba katika kiu yake ya nyama akamtamani sana kobe. Ni kobe katika wanyama wote ambaye hakuonekana katika nyumba ya mfalme simba kumjulia hali. Simba akatuma ujumbe akilalamika; "Enenda ukamwambie kobe, nashangaa katika kuugua kwangu sijamwona kuja kunijulia hali"!

Ujumbe ukamfikia kobe. Siku moja kobe naye akaenda kumjulia hali mfalme simba. Hakufika mpaka iliko nyumba ya mfalme simba. Alisimama mbali na kutamka: "Ewe mfalme wangu simba, nimekuja kukujulia hali, waendeleaje na afya yako?".

Mfalme simba akajibu: "Mbona salamu hizo unazitoa ukiwa mbali hivyo?". Kobe akamjibu mfalme wake: " Kuna jambo linanishangaza mfalme wangu, naona nyayo zote za wanyama zimeelekea kwako, lakini hakuna nyayo zinazorudi"!

Katika jamii yetu sasa kuna akina mfalme simba wagonjwa na wenye njaa ya nyama. Wamewatafuna twiga, swala, pundamilia na wengineo. Sasa wanawatamani akina kobe pia!

Ndio, katika nchi yetu sasa kuna harakati za kimakundi. Tunaziona ndani ya chama tawala, tunaziona nje ya chama hicho. Kuna wenye kuongoza harakati hizo.

Na Watanzania tulio wengi tumekuwa ni watu wa kupenda sana kutafuna maneno. Kuna mawili makubwa ambayo ni mapungufu yetu; mosi, hatuna misimamo, pili, tukiwa nayo hatuisimamii.

Tunapenda sana kuzungumza tusichomaanisha na mara nyingi hatumaanishi tunachozungumza. Na Mtanzania haumizi kichwa kujiuliza; " kwanini nizungumze". Maana suala si unachozungumza, bali ni kwanini unazungumza.

Na kwanini wananchi wanaonekana kukata tamaa na kukosa imani kwa kinachozungumzwa na viongozi wao. Ndio, kikubwa kinachokosekana hapa ni namna nzuri ya kuwasiliana na wananchi ili kuwafahamisha na labda kuwaelimisha juu ya kilichotokea.

Watanzania wengi hawana taarifa muhimu kuweza kutafsiri matukio na kinachozungumzwa na viongozi wao. Ni ukweli kuwa Watanzania walio wengi wanaishi vijijini. Ni takribani asilimia 21 tu ya Watanzania wenye fursa ya kupata taarifa muhimu juu ya kinachoendelea katika nchi yao; ni kupitia magazeti, runinga na redio. Waliobaki asilimia sabini na tisa ya Watanzania ndio hao wa Manzese Dar es Salaam, Mwanjelwa Mbeya, Kihesa na Kilolo Iringa na kwingineko.

Ni hawa wasio na taarifa za kutosha kutafsiri mambo na hata kufanya maamuzi yanayotokana na kuwa na taarifa (informed decisions). Ni asilimia 79 hii ya Wanzania wa Mwanjelwa , Kilolo na kwingineko wenye kuiweka Serikali madarakani kwa wingi wa kura zao.

Media, kwa maana ya ya wanahabari ndio walipaswa wajitoe kwenye vita vya kimakundi na kuwasaidia Watanzania hawa kupata taarifa zitakazowawezesha kufanya maamuzi sahihi.

Lakini miongoni mwa wanahabari hawa, kuna walioingia katika foleni ya kwenda kuwajulia hali wafalme wagonjwa. Wamejiingiza kwenye vita ya kimakundi. Wamelisahau jukumu lao, wamelisahau kundi kuu. Ni kundi lile la asilimia 79 ya Watanzania.

Tunaziona nyayo za baadhi ya wanahabari zikienda kwa wafalme wagonjwa, hatuzioni nyayo zao za kurudia!

Wanahabari walipaswa kuwa daraja la kupitisha taarifa kutoka chini kwa wananchi kwenda juu kwa viongozi, na kinyume chake. Lakini, miongoni mwa wanahabari hao, wameamua kwa makusudi kulivunja daraja hilo. Ni kweli kuwa kila mwanadamu kwa namna moja au nyingine ananunulika, lakini kwa wengine, bei zao ni utu na heshima, basi. Wanasukumwa kufanya yale yenye maslahi mapana kwa taifa.
Na hilo ni Neno La Leo. ( Limechapwa pia kwenye Mwananchi, leo Jumapili)
Maggid,
Iringa
0788 111 765
http://mjengwablog.com

--
Unapokea Email hizi kwa sababu umejiunga na Jukwaa la 'Mabadiliko'.
Kuchangia mada tuma kwenye Email hii: mabadilikotanzania@googlegroups.com
 
Kujiondoa Tuma Email kwenda; mabadilikotanzania+unsubscribe@googlegroups.com
Utapokea Email ya kudhibitisha kujiondoa kwako.
 
TEMBELEA Facebook yetu:
http://www.facebook.com/MabadilikoForums?ref=hl
 
For more options, visit this group at:
http://groups.google.com/group/mabadilikotanzania?hl=en?hl=en
 
 
 

0 comments:

Post a Comment