"HATUKUBALI hata kidogo kuwaruhusu Wazungu na Wahindi kuingia Chama cha Wafanyakazi Relini, na niko tayari kwenda jela kulikosemwa mtu akipingapinga atapelekwa".
Hayo aliyasema Bw. Samuel Katungutu mwandishi Mkuu wa TRAU katika mkutano wa hadhara mjini Dar es Salaam jana jioni. Bw. Katungutu alieleza kwamba majadiliano yao na viongozi wenzake kutoka Kenya na Uganda, mbele ya mwamuzi Chifu Lugusha hayakuafikiana.
"Wiki mbili zilizopita, majadiliano hayo yalikuwa yakiendeshwa mjini Nairobi, lakini yalipokwama ilishauriwa wajumbe waje Dar es Salaam kwenye nchi huru huenda wakafanikiwa; kumbe yakakwama kabisa".
"Kwa hiyo", alisema Bwana Katungutu, jambo lililobakia ni kuanzisha mastaplani yetu ya pili, ambayo hatutaitangaza magazetini wala redioni ili kuwapa "maadui" wetu faida; bali tutawaarifu wanachama wetu tu".
Akamalizia kutamka kwamba iwapo Wahindi na Wazungu wanapenda kujiunga na vyama vyetu, basi waende TFL kunakoruhusiwa mseto.
Katika mkutano huo, Bw. Walter Otenyo, Mwandishi Mkuu wa chama cha wareli nchini Kenya alitamka kwa nguvu; "Adui ni adui wa Waafrika wenzake, kwa sababu, wakati yeye anapata zaidi ya shilingi 6,000 kwa mwezi, anapendekeza mikutanoni kwamba Waafrika wanapaswa kupata mishahara ya chini ya shilingi 101 tu kwa mwezi.
Akaongeza: "Adu amechafua hali ya mishahara katika Tanganyika, na sasa anaendelea kuchafua katika kazi za umoja za serikali ya Tanganyika, Kenya na Uganda.
Akasema: "Hii si ajabu kwamba mtu anayeshiba kuwasahau wenzake wenye njaa kwa sababu hata akina Mzee Kenyatta na Bw. Sagini (Waziri wa Elimu nchini Kenya) wamewapeleka watoto zao kwenye shule za Wahindi na Wazungu baada ya waalimu Waafrika kugoma kutaka haki zao. Je, huo ndio umoja? aliuliza.
Bw. Otenyo aliwashauri kwa nguvu viongozi wenzake wa Tanganyika wasikubali Wahindi na Wazungu kuingia katika TRAU au jamaa hao watabakia watu wa juu siku zote.
Bwana Abdallah Mwamba, Mwenyekiti wa Tawi la Dar es Salaam la TRAU alisema kwa huzuni: "Tumwachie Mungu taabu zetu na shida zetu".
MTANGAZAJI wa Tanganyika Broadcasting Corporation Bibi Khadija Said yupo London katika sauti ya BBC kwa mafunzo juu ya kazi yake ya utangazaji redioni.
Watangazaji wengine kutoka nchi mbalimbali wanahudhuria mafunzo hayo. Ofisa wa BBC ambaye kazi yake ni kuwafunza watangazaji hao ni Bw. G. Seymour ambaye alisema kwamba Bibi Khadija na wenziwe wakimaliza mafunzo yao wataweza kuendelea vizuri na kazi wakirejea makwao.
Mafunzo haya yameanzishwa tangu 1954 kwa ajili ya kusaidia utangazaji wa habari kwa redio na watangazaji kiasi cha 200 kutoka nchi 29 wamepata faida kutokana na mafunzo kama haya. Mafunzo haya huchukua muda wa wiki kumi na yanahusiana na kazi za utangazaji wa redio.
Wakimaliza mafunzo yao watarejea katika nchi zao na kuendelea na kazi kama kawaida.
MZUNGU mwingine ambae ni Meneja wa kampuni ya kuuza dawa, Arusha Bw. R. Bawley ameamriwa aihame Tanganyika, Mzungu huyo amepewa saa 48 tu kufanya hivyo.
Ripoti iliyopokelewa jana na gazeti hili ni kwamba Bwana Bawley alionekana akiondoka na matokaa kuelekea Kenya.
Sababu za kufukuzwa Mzungu huyo ni ufedhuli na kuwadharau Waafrika.
Mwandishi wetu akizungumza na na Regional Commissiner wa Jimbo la Kaskazini, Bwana P. Walwa jana alijulishwa kwamba jambo hilo alilihakikisha yeye mwenyewe alipofukuzwa na Meneja huyo.
Bwana Walwa alipata malalamiko kutoka kwa watu wengi kuhusu ufedhuli wa meneja huyo. Watu wengine walisema kwamba huwafukuza watu dukani kwake au kuwatupia fedha wakinunua vitu.
Bwana Walwa alikwenda katika duka hilo ili ahakikishe mwenyewe kabla ya kuchukua hatua na kwenda kufika Bawley akamwambia 'nenda zako'.
Hapo Bwana Walwa alitoka na kutoa habari hizi kwa polisi.
Radhi yakataliwa:
Asubuhi yake Meneja huyo alikwenda kuomba radhi akisema hakujua kuwa yule aliyemfukuza alikuwa Regional Commssioner.
Bwana Walwa alikataa kumsamehe kwa sababu, alisema 'dharau ile ilifanyiwa Waafrika wote'.
Bwana Walwa alimwambia mwandishi wetu hiyo jana kwamba yeye alitembelea jimbo lote akiwaonya watu waheshimiane. Aliona si haki wengine waachiwe kufanya dharau.
...Bawley sasa ni Mzungu wa sita kuondolewa kwa visa kama hivyo tangu nchi hii ipate uhuru wake.
MNAMO siku ya Ijumaa mambo yalikwenda kombo huko kwenye kambi ya wafanyakazi wa Kawe, wakati kisura alipoamua kunywa sumu afupishe maisha yake kwa sababu mumewe hataki kumpa talaka yake ambayo amekuwa anamdai kwa muda mrefu sasa.
Ilikuwa siku hiyo mchana Bwana, jina ndani ya faili, alirejea zake kazini na kumkuta mkewe katulia vilee akiwa na fikara zake. Bwana alimwita mkewe na kumwomba amtayarishie maji ya kuoga, lakini kisura akaja juu kwamba kazi hiyo hanayo tena angojealo ni talaka yake tu na si mengine!
Kamtandika:
Bwana kusikia hayo, naye bado anampenda kisura, akaona afadhali kuyaharibu mambo, akaanza kumtandika kisura alivyoweza, na alimtandika kweli! Kisura kuona yamechacha akakimbilia kwenye ulinzi huko polisi na kueleza yaliyompata. Baada ya muda wakampa ruhusa kurejea huko makaoni kwake.
Kajinywea sumu:
Kisura akaona mambo sasa yanakwenda kombo na takala hapati, nakujiondokea bila talaka atakosa sheria akatulia na kuamua kujiondokea duniani. Akafanya kila njia akaipata sumu na kuinywa. Saa chache tu, majira yakisema saa 12.00 jioni hali ya kisura ikaanza kubadilika, njiani kurudisha kadi. Mume kuona yanamharibikia akaitaarifu polisi, majirani na akina yakhe tukajikusanya kuona vioja.
999 Magereti
Mnamo majira ya saa moja usiku walinzi wakaja ndani ya 999 na bila kuchelewa mpira kuchemka kukimbilia. Baada ya matibabu kisura kapata hujambo na sasa anaendelea vema. Sijui atachukua hatua gani tena akisha pona na talaka inagoma.
MNAMO siku ya Ijumaa mambo yalikwenda kombo huko kwenye kambi ya wafanyakazi wa Kawe, wakati kisura alipoamua kunywa sumu afupishe maisha yake kwa sababu mumewe hataki kumpa talaka yake ambayo amekuwa anamdai kwa muda mrefu sasa.
Ilikuwa siku hiyo mchana Bwana, jina ndani ya faili, alirejea zake kazini na kumkuta mkewe katulia vilee akiwa na fikara zake. Bwana alimwita mkewe na kumwomba amtayarishie maji ya kuoga, lakini kisura akaja juu kwamba kazi hiyo hanayo tena angojealo ni talaka yake tu na si mengine!
Kamtandika:
Bwana kusikia hayo, naye bado anampenda kisura, akaona afadhali kuyaharibu mambo, akaanza kumtandika kisura alivyoweza, na alimtandika kweli! Kisura kuona yamechacha akakimbilia kwenye ulinzi huko polisi na kueleza yaliyompata. Baada ya muda wakampa ruhusa kurejea huko makaoni kwake.
Kajinywea sumu:
Kisura akaona mambo sasa yanakwenda kombo na takala hapati, nakujiondokea bila talaka atakosa sheria akatulia na kuamua kujiondokea duniani. Akafanya kila njia akaipata sumu na kuinywa. Saa chache tu, majira yakisema saa 12.00 jioni hali ya kisura ikaanza kubadilika, njiani kurudisha kadi. Mume kuona yanamharibikia akaitaarifu polisi, majirani na akina yakhe tukajikusanya kuona vioja.
999 Magereti
Mnamo majira ya saa moja usiku walinzi wakaja ndani ya 999 na bila kuchelewa mpira kuchemka kukimbilia. Baada ya matibabu kisura kapata hujambo na sasa anaendelea vema. Sijui atachukua hatua gani tena akisha pona na talaka inagoma.
WAZIRI wa Elimu nchini Tanganyika Bw. Oscar Kambona aliwaambia watu huko Morogoro kuwa "Serikali inanuia kabisa kuzikabidhi serikali za mitaa madaraka kamili ya kuendesha shule zote za elimu ya mwanzo, Primary Education.
Bw. Kambona alikuwa akiongea haya huko Morogoro hivi karibuni katika ziara yake fupi kuwakagua watu wake waliomchagua.
Misaada:
Waziri huyo alizidi kuhakikisha kuwa, serikali itakuwa tayari kutoa fedha kama misada ili kuwezesha shule hizo ziendelezwe katika kila wilaya. Hata hivyo, Maofisa wa shule katika kila sehemu hizo watasaidia kutoa maoni yao kama washauri.
Kulikuwa na migogoro kama mitatu inayozuia kupanuliwa kwa elimu humu nchini. Alinena Bw. Kambona akiwahutubia wajumbe waliokuwa wakiwakilisha chama cha TAPA. Shida kubwa ni kwamba, nusu ya watoto wawezao kuhudhuria masomo huwa hawaamriwi kufanya hivyo.
Kosa kubwa:
Na hata wale wapatao bahati ya kusoma, mara kwa mara huacha masomo yao baada tu ya kufika darasa la nne, hilo lilikuwa kosa sana kwa wazazi. Alitamka.
Ingawa kulikuwa na lawama kwamba watoto hao huacha shule kwa ajili ya kukosa malipizi ya ada, lakini ni lazima wazazi wafanye kila njia kuondoa shida hiyo. Jambo hili ambalo ni moja kati ya migogoro mingi, linatokea kwa ajili ya upungufu wa fedha katika Tanganyika nzima, hata pesa za kuwalipa walimu nazo zina wasiwasi.
Picha kamili:
Waziri huyo alimaliza usemi wake kwamba katika mpango wake wa elimu ya miaka mitatu ambao unatazamiwa kuanzishwa baada ya miezi miezi michache ijayo, bila shaka utatoa picha kamili na mipango ya elimu ya nchi ya Tanganyika hapo baadaye.
--
MJADALA unaendelea nchini kote juu ya kuundwa kwa serikali ya Tanganyika na muundo wa Muungano wa Zanzibar na Tanganyika. Inavyoelekea yapo matatizo, dosari na sababu za msingi zilizopelekea wananchi kuhoji muundo wa sasa wa Muungano na kuleta hoja ya kuundwa kwa serikali ya Tanganyika ni yenye kuundwa kama si leo kesho.
Lakini wapo pia wanaopinga kabisa kuundwa kwa serikali ya Tanganyika.
Aliyejitokeza kwa nguvu na kwa ukali hadharani kupinga hoja hiyo ni Mwalimu Julius Nyerere, katika kupinga hoja hiyo Mwalimu anatoa hoja zifuatazo:
Hoja ya kuundwa kwa serikali ya Tanganyika imeletwa kwa kuwachoka Wazanzibari na Waislamu. Ufupi wa maneno Mwalimu Nyerere anadai hoja ya kuundwa Serikali ya Tanganyika imetokana na chuki za kidini - Wakristo kuwachukia Waislamu.
Hoja haipo katika sera za CCM na taratibu zimekosewa.
Kuundwa kwa serikali ya Tanganyika kutavunja Muungano na kutavunja Tanganyika pia.
Ukizingatia sifa nyingi ambazo Nyerere alijilimbikizia wakati wa utawala wake na sasa si vigumu kuelewa kwa nini anapinga kuundwa kwa serikali ya Tanganyika. Mambo yake yote aliyoyaanzisha kwa vishindo huku akisifiwa kuwa zidumu fikra zake, yamekuwa yakiporomoka moja baada ya jingine huku mwenyewe akiona. Lililosalia ni Muungano; nao ukiporomoka haitaleta picha nzuri katika historia yake katika siasa.
Lakini lililo gumu kueleweka ni hatua ya Mwalimu Nyerere kutumia Turufu ya udini kuwagawa Wabunge; wana-CCM na Wa-Tanzania kwa ujumla katika suala hili. Kauli hiyo ingesemwa na Muislamu ingepewa mtizamo tofauti na labda isingeeleweka hasa miongoni mwa Waislamu. Lakini kusemwa na Mwalimu Nyerere kunaleta mkanganyiko zaidi. Kwanini; (udini ulikuwa umejengeka). Hali hiyo ilipelekea Masheikh kumlalamikia lakini akawanyamazisha kwa kuwashutumu kuwa wanachanganya dini na siasa. Miongoni mwa Masheikh hao wapo waliofukuzwa nchini; waliowekwa kizuizini, waliofukuzwa katika chama na kadhalika.
Sheikh Hassan bin Amir katika waraka wake kwa Waislamu mwaka 1963 aliutaja udini uliokuwa unajengwa Tanzania kwa kutoa mifano ifuatayo:
Kuingizwa nchini Tanganyika mara tu baada ya uhuru vimedali vidogo vidogo vyenye picha ya bendera ya Tanganyika usoni na katikati ya bendera hiyo amesimama Mama Maria na mtoto mchanga na nyuma yake maandiko 'MARIA MTAKATIFU ULINDE UHURU WA TANGANYIKA'.
Gazeti la KIONGOZI la tarehe 1/8/1963 lilimuonyesha Bwana George Kahama akipewa cheo cha dini na Pope kwa kuwakilisha serikali ya Tanganyika katika mkutano wa Makanisa ya Roma.
Mwaka huo huo wa 1963, mnamo tarehe 24 mwezi wa nane, Baraza Kuu la Makanisa ya Kilutheri Tanganyika lilitoa matangazo kuwa Uhuru wa Tanganyika ulikuwa 'Chini ya Msalaba'.
Tarehe 17/5/1963 Makanisa yalifanyia mkutano wao ndani ya Bunge.
Alipokufa Pope Yohana wa 23 bendera ya taifa ilipepea nusu mlingoti nchi nzima!
Kabla ya kifo chake Pope Yohana wa 23 alimletea Mheshimiwa Nyerere barua ya pongezi kwa kuupanua Ukristo- barua ambayo ilitiwa saini na Pope mwenyewe. Barua hiyo imetangazwa kwenye gazeti laTanganyika Standard.
Gazeti la Reporter la Kenya la tarehe 20/6/1963 lilitangaza katika ukurasa wake wa mbele: "KUIBADILI AFRIKA YA MASHARIKI KUWA KATIKA DINI YA ROMANI CATHOLIC". Ndani ya gazeti hilo ukurasa wa 18 liliwataja waliopewa dhamana ya kufanikisha jambo hilo kuwa ni: Uganda - Kiwanuka, Kenya - Mboya na Tanganyika Mheshimiwa Nyerere.
MCHANGO wa Chuo Kikuu unaendelea vizuri sana na umefikia idadi ya shilingi 7,971.00. Msaidizi wa Waziri wa Ardhi Bw. P.K Makwaia amesaidia shilingi 500. Katika mchango wa kwanza Mhe. Bwana Julius K. Nyerere ametoa sh. 200. Sh. 841 zilichangwa na wajumbe wa Tabora. Wengine waliochanga ni:
Mhe. Salum Athumani Dar es Salaam Sh. 500
Ibrahim Bofu Dar es Salaam Sh. 150
Schnaider Plantan Dar es Salaam Sh. 100
Abdallah Saidi Dar es Salaam Sh. 100
Kondo Salum Dar es Salaam Sh. 100
Abbas Sykes Dar es Salaam Sh. 100
Bibi Panya Majaliwa Dar es Salaam Sh. 500
Mchango bado unaendelea.
Send Emails to wanabidii@googlegroups.com
Kujiondoa Tuma Email kwenda
wanabidii+unsubscribe@googlegroups.com Utapata Email ya kudhibitisha ukishatuma
Disclaimer:
Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.
---
You received this message because you are subscribed to the Google Groups "Wanabidii" group.
To unsubscribe from this group and stop receiving emails from it, send an email to wanabidii+unsubscribe@googlegroups.com.
For more options, visit https://groups.google.com/groups/opt_out.
0 comments:
Post a Comment