[wanabidii] SHEIKH KOMBO: WAISLAMU HAWAITAKI MAHAKAMA YA KADHI

Mjumbe wa Bunge la Katiba kutoka Zanzibar, Sheikh Thabit Kombo ameizika rasmi Mahakama ya Kadhi kwa kusema kwamba waislamu hawaitaki Mahakama ya Kadhi. Kwa hiyo hakutakuwepo Mahakama ya Kadhi kama ambavyo waislamu wengi walivyokuwa wakitarajia.

 

Kulikuwa na taarifa kwamba wakristo wangepiga kura ya hapana endapo Mahakama ya Kadhi yangeruhusiwa kuwemo kwenye katiba mpya. Kwa kauli hii ya Sheikh kombo naona CCM wamefanikiwa kuwarubuni wajumbe wa katiba walio waislamu ili kuwanyima waislamu fursa ya kuwa na Mahakama ya Kadhi. Tuseme kwamba huu ni ushindi kwa wakristo au ni unafiki wa wajumbe wanaowakilisha waislamu bungeni?

 

Nawashauri waislamu tuliopo uraiani tuikatae katiba hii ya CCM isiyokuwa na Mahakama ya Kadhi. Kitendo cha Sheikh Kombo kukubali kurubuniwa na CCM na kuikataa Mahakama ya Kadhi kitasababisha mgawanyiko mkubwa sana miongoni mwa waislamu na kitaleta chuki dhidi ya wajumbe waislamu waliomo kwenye bunge la katiba.