[wanabidii] Re: UTAFITI WA MAFUTA NA GESI ASILIA KATIKA MAENEO YA MOROGORO NA KILIMANJARO

TAARIFA KWA UMMA 

UTAFITI WA MAFUTA NA GESI ASILIA KATIKA MAENEO YA MOROGORO 

NA KILIMANJARO 

 

Katika toleo Na. 1734 la gazeti la Jambo Leo la tarehe 10 Juni, 2014 katika 

ukurasa wa tatu iliandikwa taarifa iliyokuwa na kichwa cha habari 

"Utafiti wa gesi kuinufaisha Morogoro, Kilimanjaro". Taarifa hiyo ilieleza kuwa 

wakaazi wa mikoa tajwa watanufaika na ugunduzi wa mafuta na gesi uliofanywa 

na Kampuni ya Swala katika maeneo hayo. 

 

Shirika la Maendeleo ya Petroli Tanzania (TPDC) linapenda kuwafahamisha 

wananchi kuwa taarifa ya kwamba Kampuni ya Swala imegundua gesi na mafuta 

katika maeneo ya Morogoro na Kilimanjaro sio sahihi. Ugunduzi wa mafuta 

hufanyika tu baada ya kuchimba kisima cha utafiti na hatimaye mafuta au gesi 

iweze kutoka yenyewe kutoka ardhini. Hatua ya kuchimba kisima cha utafutaji 

hutokana na tafiti mbali mbali za awali za mitetemo ya ardhi na kubaini kama 

maeneo hayo yana uwezekano wa kuwa na mafuta au gesi ama la. Hata kama 

eneo linaonesha dalili nzuri za awali ni lazima sehemu hiyo ichimbwe na matokeo 

yake ni kuwa na ugunduzi au la. Vilevile ugunduzi huo lazima uonyeshe kutoa 

kiasi cha rasilimali ambacho kinaweza kuzalishwa kibiashara (economically 

viable). 

 

Kazi zilizofanyika mpaka sasa na Kampuni ya Swala katika maeneo ya Morogoro 

– Kilosa na Pangani - Kilimanjaro ni utafiti wa awali wa kukusanya takwimu za 

mitetemo na kubaini kama maeneo hayo yana kina (thickness) cha kutosha cha 

miamba tabaka ambayo utafiti wa mafuta na gesi unaweza kufanyika. Hivyo 

utafiti wa kina unaendelea ili kubaini kama kuna miamba mashapo (prospects) ya 

kutosha kwa ajili ya kuchimba kisima cha utafiti. Uchimbaji wa kisima hicho 

unaweza kutoa mafuta au/na gesi au maji matupu. Hatua ya uchimbaji visima 

bado haijaanza.Hivyo basi si sahihi kwa mtu yeyote kusema kuwa kuna 

ugunduzi uliofanyika. 

 

Utaratibu wa kutafuta mafuta nchini ni wa kugawana mapato kati ya Mwekezaji 

na Serikali kupitia Mikataba ya Kugawana Mapato (Production Sharing 

Agreement-PSA) kama mafuta au gesi ikigundulika. Kampuni isipogundua 

rasilimali yeyote, Serikali haimrudishii Mwekezaji fedha zake alizowekeza kwenye 

ufafiti huo, hivyo hasara hiyo ni kwa Mwekezaji mwenyewe. 

 

Shirika lina taarifa kuwa Kampuni ya Swala inauza Hisa zake katika soko la Hisa 

la Dar es Salaam ili Watanzania washiriki katika shughuli za utafutaji wa mafuta 

na gesi. Suala hili ni jema na Kampuni ya Swala inastahili kupongezwa kwa 

kuwawezesha Watanzania kushiriki kwenye sekta hii ambayo imeshika kasi katika 

miaka mitatu iliyopita. Aidha, Shirika la Maendeleo ya Petroli Tanzania 

linawashauri Wananchi wafanye maamuzi mazuri na kuwatumia washauri wao 

kuhusu ununuzi wa hisa hizo kwa kuzingatia mambo yaliyoelezwa hapo juu. 

 

Ikumbukwe kuwa Tanzania tumechimba visima vya utafiti wa mafuta vipatavyo 

78 na vyenye gesi ni asilimia 40% tu huko Mkuranga (Pwani), Songosongo 

(Lindi), Ntorya na Mnazi Bay (Mtwara) na Bahari ya kina kirefu. 

 

Taarifa kuwa katika mikoa ya Morogoro na Kilimanjaro kumefanyika ugunduzi wa 

mafuta na gesi haina ukweli wowote. Kama rasilimali ya mafuta au gesi asilia 

ikigundulika mwenye mamlaka ya kutangaza ugunduzi huo ni Mheshimiwa Waziri 

wa Nishati na Madini pekee. 

 

Kwa maelezo zaidi wasiliana na: - 

 

Mkurugenzi Mtendaji, 

Shirika la Maendeleo ya Petroli Tanzania, 

BWM Tower A, 

S.L.P 2774, 

Dar es Salaam. 

Barua pepe: tpdcmd@tpdc-tz.com 

On Tuesday, June 24, 2014 12:43:27 PM UTC+3, Abdalah Hamis wrote:

TAARIFA KWA UMMA 

UTAFITI WA MAFUTA NA GESI ASILIA KATIKA MAENEO YA MOROGORO 

NA KILIMANJARO 

 

Katika toleo Na. 1734 la gazeti la Jambo Leo la tarehe 10 Juni, 2014 katika 

ukurasa wa tatu iliandikwa taarifa iliyokuwa na kichwa cha habari 

"Utafiti wa gesi kuinufaisha Morogoro, Kilimanjaro". Taarifa hiyo ilieleza kuwa 

wakaazi wa mikoa tajwa watanufaika na ugunduzi wa mafuta na gesi uliofanywa 

na Kampuni ya Swala katika maeneo hayo. 

 

Shirika la Maendeleo ya Petroli Tanzania (TPDC) linapenda kuwafahamisha 

wananchi kuwa taarifa ya kwamba Kampuni ya Swala imegundua gesi na mafuta 

katika maeneo ya Morogoro na Kilimanjaro sio sahihi. Ugunduzi wa mafuta 

hufanyika tu baada ya kuchimba kisima cha utafiti na hatimaye mafuta au gesi 

iweze kutoka yenyewe kutoka ardhini. Hatua ya kuchimba kisima cha utafutaji 

hutokana na tafiti mbali mbali za awali za mitetemo ya ardhi na kubaini kama 

maeneo hayo yana uwezekano wa kuwa na mafuta au gesi ama la. Hata kama 

eneo linaonesha dalili nzuri za awali ni lazima sehemu hiyo ichimbwe na matokeo 

yake ni kuwa na ugunduzi au la. Vilevile ugunduzi huo lazima uonyeshe kutoa 

kiasi cha rasilimali ambacho kinaweza kuzalishwa kibiashara (economically 

viable). 

 

Kazi zilizofanyika mpaka sasa na Kampuni ya Swala katika maeneo ya Morogoro 

– Kilosa na Pangani - Kilimanjaro ni utafiti wa awali wa kukusanya takwimu za 

mitetemo na kubaini kama maeneo hayo yana kina (thickness) cha kutosha cha 

miamba tabaka ambayo utafiti wa mafuta na gesi unaweza kufanyika. Hivyo 

utafiti wa kina unaendelea ili kubaini kama kuna miamba mashapo (prospects) ya 

kutosha kwa ajili ya kuchimba kisima cha utafiti. Uchimbaji wa kisima hicho 

unaweza kutoa mafuta au/na gesi au maji matupu. Hatua ya uchimbaji visima 

--
Send Emails to wanabidii@googlegroups.com
 
Kujiondoa Tuma Email kwenda
wanabidii+unsubscribe@googlegroups.com Utapata Email ya kudhibitisha ukishatuma
 
Disclaimer:
Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.
---
You received this message because you are subscribed to the Google Groups "Wanabidii" group.
To unsubscribe from this group and stop receiving emails from it, send an email to wanabidii+unsubscribe@googlegroups.com.
For more options, visit https://groups.google.com/d/optout.